mrspeachfungfu-[Peach’s Dairy] iherb網上購物分享06062016
Hi, 又係我呀~
今日早上落勁大雨,
今日個眼妝簡簡單單用個淡啡色打個底然後用深啡色眼線液,睇落成個妝感都好淡好簡單.但又可以令個人精神D
最近換左新粉底.塊面無咁乾同埋又簿又輕,再試多一段時間再同大家分享係咩牌子
終於將拍好既網上購物分享剪好~大家可以睇啦~
今日好想同大家分享一下網上購物既
其實最近網上購物都係Instagram買野或者搭啲朋友買野~
大家都知道宜家係條街買野係好難買到啦..(緊係啦…宜家D租金咁貴,小商戶點做呀~)
同埋淘寶囉,不過宜家都少左係淘寶喪買,係有用既野先會買~
另外,今日終於收到之前31號係 I-Herb 買既, 我都好耐無買啦,咁啱見到有朋友有個Discount Code再折上折,所以把握最後機會買~
宜家今日就想開箱俾大家睇下我今次買左啲咩既~
今次我係Iherb 買野都唔係買左好多野,因為最近自己用既護膚品都無轉過,(由於之前敏感,所以用開果D野塊面無事都費事轉黎轉去啦) 所以今次買既都係化粧品,事關佢地既化粧品係偏向天然同埋好平
之前有買過用過既牌子都幾OK既,所以今次都算係品牌回購囉~
我今次都唔係買左好多野,只有六七樣~其實都好抵,我本來好似有九折,再加埋朋友既折上折,(好似八折)由本來五百幾蚊減到三百幾~
同埋可能我好耐無買,原來宜家有順豐速遞送既,好似買滿350定360就有免運費仲會有順豐速遞送到你屋企門口啦~本來我公司係屬於遍遠係要收附加費,但佢係豁免左既,所以都幾好,而且都幾快架,我記得好似31號買6號就收到啦~大約一星期左右就收到,不過佢就唔夠我上次免DHL咁快~上次DHL好似2-3日就有~但其實已經好快架啦~(美國寄黎通常要等2-3個禮拜)
事不宜遲啦,我地開始講下買左啲咩啦~
首先就係買左呢個Mineral Fusion 既Moisturizer,其實我一直都好想買呢種無色既Moisturizer係有防曬係入面既~
因為可能我啲毛孔衰,我用純防曬啲皮膚會爆粒既~講真,其實有時搽防曬你要用好多先會做到防曬既效果,所以通常我會用粉底就算啦~
但係有時係懶化粧,或者趕時間唔可以化粧就想可以就咁用呢類型既Moisturizer,輕輕用少少碎粉咁就出門口嘛~
(個人接受唔到用粉底唔化埋個妝)
我今次咁啱見到呢個Moisturizer係有埋防曬係入面就想買黎試下~就有SPF40,我都唔知好唔好用架…買黎試下囉~(用上面唔好用咪用黎搽下啲手手腳腳囉~)但係支野其實都幾貴,要成一百六十幾~不過都算幾大支既…希望佢好用啦~ 哈哈~
然後就買左一支Jojoba oil既~我本身皮膚偏乾既,有時太乾想補充返D油份,因為化妝果時好容易會浮粉,上網睇過偏乾用JOJOBA OIL會無咁乾,都未試過既,所以買黎試下~
呢支圍返港紙大約係78蚊左右,都幾大支,應該會有排用~係囉,順便試下佢笠唔笠啦~嘻~
另外就買左三樣Everyday Minerals既野,我本身都幾鐘意用佢地既野既~
因為佢地啲化妝品係比較天然D啦,啲顏色好靚啦~同埋佢D粉質係非常非常細滑既~
第一樣買既就係呢個Everyday Minerals既Flat Top Brush
本身都有買過幾支佢地既掃既,佢地雖然係人造纖維毛,但係佢地啲毛係好滑,完全唔會吉面
雖然就少少貴啦,一支都要成舊水,不過都物超所值既~
之前有用過佢地D遮瑕掃,碎粉掃同埋粉底掃,都好好用~
今次都買左佢呢個粉底掃,試下好無用啦,不過其實佢地D野真心唔錯架~
另外呢個就屎忽痕買既~因為見到佢好抵啦~就係買左呢盒"The Cat Eye Collection"本身有用過佢地D眼影D粉係超滑既,而且呢合啲色都幾好~所以買黎玩下~
呢盒野入面有三粒眼影同埋一支掃跟埋既~本來佢啲眼影都要六七十蚊粒架.宜家三粒眼影加埋支掃都係一百一十幾蚊咋~
我之前有用過佢地D眼影啲粉係超超超滑架~
跟住買左呢個Mineral Concealer, 其實呢個我未試過個色呀,我都係博一博,買最色試下~因為我啲膚色白得黎都好難買左啱既底妝色~都好想試下佢地既底妝產品好無用同咩效果既~~
呢個係七十蚊既~
最後,因為手殘呀…本來只係想買一支.點知黎到先知原來自己按左兩支…(好彩唔係好貴姐)
係E.l.F既Makeup Mist啦~
本身有用開MAC果支既,不過用得好快呀~所以想買支平D既黎試下,未用過,希望好用~
不過ELF既野性價比係好高既~又平又大支,所以就想試下啦~
另外今日無時間煮返,咁啱路過宜家傢俬,好耐無食就入去食下~
感覺上覺得宜家果D野比以前貴左,雖然食飯味道都算無乜點變~
但兩個人大約要食200先可以飽~快餐黎講算係好貴架啦…(講真..200蚊可以買好靚既餸了~)
不過算啦..Mega BOX除左呢個都無其他選擇了~
好..今日係咁多先啦~下次再講~
就醬~
原文博文:
個人主博客: https://mrspeachfungfu.wordpress.com/
個人主專頁: https://www.facebook.com/MrsPeachFungFu
個人主視頻: http://www.youtube.com/user/MrsPeachFungFu
個人主電郵: mrspeachfungfu@gmail.com