mrspeachfungfu-[桃之生活記趣]Relvon Ultra HD Matte Lipcolor Review02062016
其實化妝品黎講我對我最鐘意買既係眼影同唇膏,真係買幾多支都唔會嫌多,都唔知自己有幾多個唇同幾多對眼!
話說買左呢支唇膏都個幾月,一直都未有時間講佢~(買果時仲有八折優惠添,勁正)
Relvon既唇膏我一向有好感…(老實講,宜家係香港叫左最多開架既三個品牌Maybelline,L’oreal,Relvon,黎講..得返Relvon唔係Made in China架啦~用上面既化妝品點都係外國既月亮圓啲既)
本來我都不太鐘意Matte款既唇膏,但呢個Relvon Ultra HD Matte Lipcolor 又有啲驚喜喎~
通常用Matte系既唇膏感覺都係乾乾咁,但佢呢款完全唔乾喎,就算用左成日都唔覺得乾呀~
而且佢用上唇係超滑,同埋好大陣雲喱拿味架…(以前細個三色雪糕果種雲喱拿呢~)所以用上唇就好似將D雲喱拿雪糕咁~
仲有,超鐘意呢種鮮色架,雖然香港人大多不接受(因為你每次用出街都會有人勁望,大概係覺得你個妝太勁~
但係我就好鐘意,總係覺得就算無化妝,只要用左鮮色唇膏成個人就會精神晒~
今日用左好淡既眼妝就已經覺得成個妝勁濃
最重要係…呢隻色係620 HD Firtation,超靚,好鐘意呢D偏橙色唇膏(係一種荳沙橙,而且唔係超鮮艷所以可以Carry到架~
下次再有特價要買另外啲色先得啦~
今日因為要去行街街.所以無煮飯
去左屯門行街,就去左屯門小巴黎,(通常都係食呢間…本來想食另一間,但無開門… 😦 )
今日去到小巴黎,真係有少少失望.以前食佢地啲野都OK架…(係華都樓下果間)
但宜家大不如前啦,啲野無以前咁好味…食完之後我同老公兩個人異口同聲都覺得自己返屋企煮無咁嬲~
以前呢個烤豬撈懞好好食架…宜家..唔好食囉..D豬肉無味既….
算啦…忘記佢啦~ 😦
好彩食完啲唔好食既野去超級巿場買返D野開心下~
黑毛豬午餐肉,感覺好高檔,好想試,好唔好食遲啲再同大家分享啦~ 😀
我份人其實真係好貪新鮮架…我覺得煮飯係長期抗爭,點都要俾自己多D新鮮感先可以不停煮到新野出黎~獨沽一味好快悶架嘛
煮飯既野,如果無心機同時間絕對無可能煮到好食既野,我話既~~
係囉,今日分享係咁多先啦,下一篇再分享我今日仲買左咩~ 😀
就醬。
博文原文:
個人主博客: https://mrspeachfungfu.wordpress.com/
個人主專頁: https://www.facebook.com/MrsPeachFungFu
個人主視頻: http://www.youtube.com/user/MrsPeachFungFu
個人主電郵: mrspeachfungfu@gmail.com